இறைவன்

கிருபையும், கிரியையும் :

ஒரு மனிதன் நித்திய ஜீவனை அடைவது கிருபையினாலா அல்லது கிரியைகளினாலா, அது சுலபமா அல்லது கடினமா, அது ஒரு சிலருக்கா அல்லது எல்லோருக்குமா என்று பார்ப்போம்.

I. ஒரு மனிதன் நித்திய ஜீவனை அடைவது கிருபையினாலா அல்லது கிரியைகளினாலா :

ஒரு மனிதன் நித்திய ஜீவனை அடைவது என்பது அவன் இறக்கும் நேரத்தில் அவனுக்கும் கடவுளுக்கும் உள்ள உறவு அல்லது இயேசுவின் வருகையின் போது அவனுக்கும் கடவுளுக்கும் உள்ள உறவு இதை பொறுத்தே அமைகிறது. (மத்தேயு 24.13, பிலிப் 1.5 இன்னும் பல)

முடிவுபரியந்தம் நிலைநிற்பவனே இரட்சிக்கப்படுவான். மத்தேயு 24.13

உங்களில் நற்கிரியையைத் தொடங்கினவர் அதை இயேசுகிறிஸ்துவின் நாள்பரியந்தம் முடிய நடத்திவருவாரென்று நம்பி,  பிலிப் 1.5

அதாவது இந்த வழியே நடப்பதின் மூலம் ,

இரட்சிப்பு (கிருபை) - தேவ ஐக்கியம் (தொடர்ந்து முன்னேறுதல்) - தேவ ஆலோசனையின்படி கிரியை செய்தல் அல்லது கிரியை செய்யாமலிருத்தல் (தொடர்ந்து முன்னேறுதல்) - அவரவர்க்குரிய தேவ திட்டப்படி பூரணம் அடைதல் (பெற்ற இரட்சிப்பை காத்து கொள்ளுதல்)
- இறப்பு - நித்திய ஜீவன்


முதலில் இரட்சிக்கபட்ட பிறகு மீட்க்கப்படும் நாளுக்கென முத்திரையாய் பரிசுத்த ஆவியானவர் கொடுக்கபடுகிறார்.
இதன் பிறகு இரண்டு காரியங்கள் தேவைப்படுகிறது.

ஒன்று - கடவுளோடு எப்போதும் தொடர்பு கொண்டிருத்தல்
இரண்டு - கடவுள் ஏவுகிறபடி கிரியை செய்தல்.

1. இரட்சிக்கபட்ட பிறகு ஒருவன் கடவுளோடு தொடர்பு கொள்வதை விட்டு விட்டு என்னதான் நல்ல காரியங்கள் செய்தாலும் அவன் கடவுளோடு தொடர்பு கொள்ளததால் பரிசுத்த ஆவியானவரின் ஐக்கியத்தை இழந்து விடுவதால் நித்திய ஜீவனை அடைய முடியாது. (சபைக்கு தொடர்ந்து போவது, ஜெபிப்பது, வேதம் வாசிப்பது முதலியவை இதனாலேயே அவசியம்) நியாய தீர்ப்பு நாளில் அவன் செய்த நல்ல செயலுக்கு பலன் அவனுக்கு சரிகட்டப்படும் அல்லது வாழும் போதே அதற்குண்டான பலனை அவன் அடைவான்.

2. இந்த பரிசுத்த ஆவியானவர் மனிதர்களை கிரியைகளை நோக்கி வழினடத்துகிறார். கிரியைகள் இரண்டு வகைப்படும்.

1. செய்யக் கூடாதவைகளை செய்யாதிருத்தல்
2. செய்ய வேண்டியவற்றை செய்தல்

கிரியைகள் அனேகமாக இருக்கிறபடியால், எல்லா கிரியைகளையும் எல்லாராலும் செய்ய முடியாது. அவரவர் வாழ்க்கையை பொறுத்து கிரியைகள் வேறுபடும். உதாரணமாக ஒரு டீக்கடை வைத்திருப்பவர் லஞ்சம் வாங்ககூடாது என்பதை கடைபிடிக்க எவ்வளவுதான் முயன்றாலும் யாரும் அவருக்கு லஞ்சம் கொடுகக போவதில்லை. எந்த கிரியையை, எப்போது, யாருக்கு, எங்கே, எவ்வாறு செய்ய வேண்டும் அல்லது செய்ய கூடாது என்பதை தேவ ஆலோசனையின்படி முடிவெடுத்து செய்ய வேண்டும். நாம் செய்ய வேண்டியது தேவ வசனத்தில் உள்ள கிரியைகளை பற்றிய தியானத்தோடு காத்திருத்தல், மற்றும் தேவ ஆலோசனையின்படி அவைகளை நிறைவேற்றுதலே.

தேவ ஆலோசனையின்படி கிரியைகளை நிறைவேற்றாமல் போனால் அதற்குரிய தண்டனையை பல மடங்கு அதிகமாய் பெற்றுக் கொண்டு வாழ்க்கையில் தொடர்ந்து செல்ல வேண்டும்.

அனேக பேரை கவிழ்க்க சாத்தான் வலை விரித்து காத்திருப்பது இந்த பகுதியிலேயே. விதவைக்கு உதவி செய்யப் போய் "வைத்துக்" கொண்டவர்களும், சிகப்பு விளக்கு பகுதியில் சுவிஷேசம் அறிவிக்கப் போய், அவர்களோடு செட்டில் ஆனவர்களும் உண்டு. எனக்கு தெரிந்த பெரிய பதவியில் இருந்த ஒருவர் லெவல் கிராசிங்கில் சைக்கிள் மாட்டிக் கொண்ட ஒருவனுக்கு உதவப் போய் ரயிலில் அடிபட்டு செத்தார்.

என் சொந்த அனுபவம் :

ஒரு வேலையாய் பெங்களூர் சென்ற நான், அங்கு தெருவோரத்தில் ஒரு பெண் (ஆண்?) மிகுந்த கோரமாய் கதறிக் கொண்டிருந்ததை பார்த்தேன். யாருமே அவரை கண்டு கொள்ளவில்லை. அவரின் அழுகை மனதை பிழியும்படி இருந்ததால், கடவுளே அவருக்கு உதவி செய்யும் என் கேட்டேன். நான் ஏதாவது செய்ய முடியுமா என அவரிடம் யார் மூலமாவது (மொழி தெரியாதலால்) பேசலாம் என நினைத்தேன். ஆனால் "நீ உன் வேலையை பார்த்துக் கொண்டு போ இதில் தலையிடாதே" என கர்த்தர் சொல்லவே நான் "எனக்கே நல்ல மனது வருவது கடினம் இதிலே கடவுள் வேறு இது போல் சொல்கிறாரே" என போய் விட்டேன்.

மறுனாள் அந்த பக்கமாய் செல்லும் போது அவர் னல்ல நிலைமையில் அங்கு சுற்றிக் கொண்டிருப்பதை பார்த்தேன். பிறகு பஸ் நிலையம் வழியாக சென்ற போது ஒரு சிறுவன் அழுது கொண்டிருப்பதை பார்த்தேன். யாருமே அவனை கண்டு கொள்ளவில்லை. நான் அருகில் சென்று விசாரித்த போது அவன் பெற்ரோரை தவற விட்டான் என் அறிந்து அவனை காவல் நிலையத்தில் அவன் பெற்றோரிடம் சேர்த்தேன்.

ஒரு விஷயத்தில் தலையிடாதே என சொன்ன தேவன், உதவி செய்ய வேண்டும் என்ற என் நல்ல மனதிற்காக அந்த சிறுவனுக்கு உதவி செய்யும் வாய்ப்பை கொடுத்தார். உதவி செய்யும் எண்ணத்தோடு இருந்தால் தேவன் நமக்கு நிறைய வாய்ப்பை காட்டுவார். னாமும் அவர் சொற்படியே செய்ய வேண்டும்.

1.இராஜாக்கள் 13 ன் சுருக்கம்

ஒரு தீர்க்கதரிசியாய், தேவ வார்த்தையை, தேவ உணர்வை வெளிப்படுத்த வேண்டியவன், தேவ உணர்வுக்கு (கோபம்) மாறாக இரக்கம் என்ற தன் சொந்த உணர்வை வெளிப்படுத்தி ராஜாவின் மேலிருந்த கோபத்தை தன் மேலே வரவழைத்துக் கொண்டான். இன்னொரு தீர்க்கதரிசியால் தேவ கோபம் அவன் மேல் நிறைவேறியது.

மத்தேயு 19 (21,22)

அனேக செல்வம் வைத்திருப்பதனால், இயேசுவால் மற்றவர்க்கு கொடு என சொல்லப்பட்டவன் அதை செய்ய விரும்பாததனால் தேவ ஐக்கியத்தை இழந்து போனான்