இறைவன்

ஒருவர் என்னதான் கீழ்படிதல் உள்ள வாழ்க்கையை  வாழ்ந்தாலும்  நம்மை நிலை நிருத்துகிறவர் கர்த்தரே என்ற உண்மையை அறியவேண்டும். அவராலே எல்லாம் ஆகும் அவரின் கிருபை இல்லாமல் நம்மால்  நிற்க முடியாது அவரின்  துணையின்றி நான் ஒன்றுமில்லை  என்று கருதுவதே ஏற்றது! 

  

 

லூக்கா 23:34 அப்பொழுது இயேசு: பிதாவே இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே  

 

ஒருபுறம் துன்மார்க்கமாய் நடந்துகொண்டவர்களை கடிந்துகொண்டு எச்சரித்தாலும்  இன்னொருபுறம் அவர்களுக்காக   கண்ணீர்விட்டு  அழுதார். அதுதான்  உண்மை  இரக்கம் என்பது    

 

லூக்கா 19:41 அவர் சமீபமாய் வந்தபோது நகரத்தைப்பார்த்து, அதற்காகக் கண்ணீர்விட்டழுது,

துன்மார்க்கன் அழிவான் என்று வசனம் சொல்கிறது எனவே அவன்  நிச்சயம்  அழித்தே  ஆகவேண்டும்  என்று  மனதில் எண்ணிக்கொண்டு  நான் அன்பு நிறைந்தவன் என்று சொல்வது  எவ்விதமான அன்பு நிலையை காட்டுகிறது என்று புரியவில்லை.     

 

உண்மையான் அன்பு என்ன செய்யும்? தன்னை நேசிப்பதுபோல பிறரையும் நேசிக்கும்!. தான் எவ்வாறு மீட்கப்படவேண்டும் என்று விரும்புகிறோமோ அதே போல் எல்லோரும் எவ்விதத்திலாவது மீட்கப்படவேண்டும் என்றுதான் நினைக்கும் அதற்காக அது தேவனிடம் மன்றாடும் . 

மற்றபடி (வேதவார்த்தையின் அடிப்படையில்கூட)பிறரை நியாயம்தீர்க்க   நினைக்கும் நிலையென்பது  தனைப் போல் பிறரைநேசிக்க சொல்லும்  இயேசுவின் முதல் கட்டளையே  சரியாக கைகொள்ளாத  நிலை என்றுதான் பொருள்படும்  என்றே நான் கருதுகிறேன்.       

 

உபாகமம் 32:35 பழிவாங்குவதும் பதிலளிப்பதும் எனக்கு உரியது; 

 

என்று  கர்த்தர் சொல்கிறார்! 

அவர் பரிசுத்தர் அதை செய்ய அவர் தகுதியுடையவர் அவர் செய்ய நினைத்தது  நிச்சயம் தடைபடாது.  அவரை ஏனென்று நம்மால் கேட்கமுடியாது.  ஆனால் மனிதர்களாகிய  நாம்  நம்மைபோன்ற  சகமனிதர்களை ஒரு புறம் வேத வசனங்களை காட்டி தீர்க்கமாக எச்சரித்தாலும்  மறுபுறம் அவர்களை மனதார மன்னிப்பதும் அவர்களையும் மன்னிக்கும்படி தேவனிடம் மற்றாடுவதும் மட்டுமே  தகுதியானது. 

 

I தீமோத்தேயு 2:1 நான் பிரதானமாய்ச் சொல்லுகிற புத்தியென்னவெனில், எல்லா மனுஷருக்காகவும் விண்ணப்பங்களையும் ஜெபங்களையும் வேண்டுதல்களையும் ஸ்தோத்திரங்களையும் பண்ணவேண்டும்;

முரட்டாட்டம் செய்த இஸ்ரவேல் ஜனங்களால்  கோபமடைந்த தேவன்

இதை கேட்ட மோசே ஆ! ஆண்டவரே சொல்லிவிட்டார், அப்படியே செய்யும் இதில்  இடையில்  நான் சொல்ல என்ன இருக்கிறது எனக்கு கிடைக்கவேண்டியது கிடைத்தால் போதும் என்று  விலகிவிடவில்லை  

 

19. உமது கிருபையினுடைய மகத்துவத்தின்படியேயும், எகிப்தை விட்டதுமுதல் இந்நாள்வரைக்கும் இந்த ஜனங்களுக்கு மன்னித்துவந்ததின்படியேயும், இந்த ஜனங்களின் அக்கிரமத்தை மன்னித்தருளும் என்றான். 20. அப்பொழுது கர்த்தர்: உன் வார்த்தையின்படியே மன்னித்தேன்.

என்றார். இங்கு மோசே மிகுந்த சாந்த குணம் உள்ளவன் என்று பெயர்பெற்றான். அதுபோல் அழிப்பதும் அழிக்காதிருப்பதும்  தேவனின் விருப்பம்.  மனுஷனாகிய நம்மை  பொறுத்தவரை  எப்பொழுதும்   தாழ்மையோடு  தன் ஜனங்களுக்காக மன்றாடும்   நிலையிலேயே இருக்கவேண்டும் அதுதான் உண்மையான அன்பு என்று நான் கருதுகிறேன். தானியேல் நெகேமியா  சாமுவேல்   போன்றவர்கள் அதைதான் செய்தார்கள்.