இறைவன்

SUNDAR · மூத்த உறுப்பினர்

பாதி கீழ்படிதல் + மீதி மீறுதல் = மரணம்

SUNDAR · மூத்த உறுப்பினர்

தேவனின் வார்த்தைக்கு விரோதமாக பாவம் செய்து தண்டனை பெற்றவர்கள் பலரின் வாழ்க்கை சம்பவங்கள் வேதாகமத்தில் இருந்தாலும், நாம் மேலே ஆராய்ந்த இந்த தேவமனிதனை போன்று தேவனுடய வார்த்தையை கைகொள்ள வாஞ்சை இருந்தும் அதை அப்படியே கைகொள்ளாமல் பாதியை கைகொண்டு மீதியை தன்னடைய மாம்சநிலைக்கு ஏற்ப சிறிய மாறுதல்கள் செய்து, அதனால் கீழ்படிதலில் சோரம்போய் மரித்துப்போன முக்கியமான சிலரைபற்றி இங்கு பார்க்கலாம் என்று கருதுகிறேன்.

1. முதலில் வருவது தேவ மனுஷனாகிய மோசேதான்!

மிகவும் மேன்மையானவனும் தேவனால் மிகுந்த சாந்த குணம் உள்ளவன் என்று புகழப்பட்ட இவன், ஒரு சிறிய கர்த்தரின் வார்த்தையை, அவர் சொன்னபடி செய்யாத காரணத்தால் தேவ கோபத்துக்குஆளாகி மரிக்கநேர்ந்தது

கர்த்தர் சொன்னது!

எண்ணாகமம் 20:8 நீ கோலை எடுத்துக்கொண்டு, நீயும் உன் சகோதரனாகிய ஆரோனும் சபையாரைக் கூடிவரச்செய்து, அவர்கள் கண்களுக்குமுன்னே கன்மலையைப் பார்த்துப் பேசுங்கள்; அப்பொழுது அது தன்னிடத்திலுள்ள தண்ணீரைக் கொடுக்கும்

மோசே செய்தது

எண்ணாகமம் 20:11 தன் கையை ஓங்கி, கன்மலையைத் தன் கோலினால் இரண்டுதரம் அடித்தான்; உடனே தண்ணீர் ஏராளமாய்ப் புறப்பட்டது, சபையார் குடித்தார்கள்; அவர்கள் மிருகங்களும் குடித்தது.

கர்த்தரின் கோபம்!

உபாகமம் 32:50 நீங்கள் சீன் வனாந்தரத்திலுள்ள காதேசிலே மேரிபாவின் தண்ணீர் சமீபத்தில் இஸ்ரவேல் புத்திரருக்குள்ளே என்னைப் பரிசுத்தம்பண்ணாமல், அவர்கள் நடுவே என் கட்டளைகளை மீறினதினாலே, 52.நான் இஸ்ரவேல் புத்திரருக்குக் கொடுக்கப்போகிற எதிரேயிருக்கிற தேசத்தை நீ பார்ப்பாய்; ஆனாலும் அதற்குள் நீ பிரவேசிப்பதில்லை என்றார்.

"மலையை பார்த்து பேசு" என்று கர்த்தர் சொன்ன வார்த்தையை ஏதோ காரணத்தால் மோசே சற்று மாற்றி மலையை கோலால் தட்டினான் அதனால் அவர் கானானுக்குள் பிரவேசிக்கும் பாக்கியத்தை இழந்தான்.

2. அடுத்து வருவது ராஜாவாகிய சவுல்!

இஸ்ரவேலின் ராஜாவாக முதல் முதலில் தேவனாலேயே தெரிவு செய்யப்பட்டவன் இந்த சவுல்ராஜா! அவனைபற்றி சாமுவேல் சொல்லும்போது:

I சாமுவேல் 10:24 அப்பொழுது சாமுவேல் எல்லா ஜனங்களையும் நோக்கி: கர்த்தர் தெரிந்துகொண்டவனைப் பாருங்கள், சமஸ்த ஜனங்களுக்குள்ளும் அவனுக்குச் சமானமானவன் இல்லை என்றான்

இந்த சவுல் ராஜாவிடம் கர்த்தர் கட்டளையிட்டது:

I சாமுவேல் 15:2 சேனைகளின் கர்த்தர் சொல்லுகிறது என்னவென்றால், இஸ்ரவேலர் எகிப்திலிருந்து வந்தபோது, அமலேக்கு அவர்களுக்கு வழிமறித்த செய்கையை மனதிலே வைத்திருக்கிறேன்.

I சாமுவேல் 15:3 இப்போதும் நீ போய், அமலேக்கை மடங்கடித்து, அவனுக்கு உண்டான எல்லாவற்றையும் சங்கரித்து, அவன்மேல் இரக்கம் வைக்காமல், புருஷரையும், ஸ்திரீகளையும், பிள்ளைகளையும், குழந்தைகளையும், மாடுகளையும், ஆடுகளையும், ஒட்டகங்களையும், கழுதைகளையும் கொன்றுபோடக்கடவாய் என்கிறார் என்று சொன்னான்.

சவுல் செய்தது:

I சாமுவேல் 15:7 அப்பொழுது சவுல்: ஆவிலா துவக்கி எகிப்திற்கு எதிரேயிருக்கிற சூருக்குப்போகும் எல்லைமட்டும் இருந்த அமலேக்கியரை மடங்கடித்து,
I சாமுவேல் 15:8 அமலேக்கியரின் ராஜாவாகிய ஆகாகை உயிரோடே பிடித்தான்; ஜனங்கள் யாவரையும் பட்டயக் கருக்கினாலே சங்காரம்பண்ணினான். 9. சவுலும் ஜனங்களும் ஆகாகையும், ஆடுமாடுகளில் முதல்தரமானவைகளையும், இரண்டாந்தரமானவைகளையும், ஆட்டுக்குட்டிகளையும், நலமான எல்லாவற்றையும், அழித்துப்போடமனதில்லாமல் தப்பவைத்து, அற்பமானவைகளும் உதவாதவைகளுமான சகல வஸ்துக்களையும் முற்றிலும் அழித்துப்போட்டான்.

கர்த்தர் கட்டலயிட்டத்தல் பாதியை சரியாக செய்த இவன் மீதியில் சோரம் போனான். அதாவது கர்த்தர் சொன்னதுபோல் அமலேக்கியரை முறியடித்தான் அனால் அவர் கட்டளையிட்டதுபோல் எல்லா மிருக ஜீவன்களையும் கொன்று போடவில்லை.

கர்த்தரின் தீர்ப்பு:

I சாமுவேல் 15:26 சாமுவேல் சவுலைப் பார்த்து: கர்த்தருடைய வார்த்தையைப் புறக்கணித்தீர்; நீர் இஸ்ரவேலின்மேல் ராஜாவாயிராதபடிக்கு, கர்த்தர் உம்மையும் புறக்கணித்துத் தள்ளினார் என்றான்.

இவ்வாறு கர்த்தரால் கடிந்துகோள்ளப்பட்ட சவுல் பின்னாளில் பெலிஸ்தியர் கையால் மாண்டு போனான்.

3. சோதாம் கோமரா அழிவை திருப்பி பார்த்து உப்புதூண்ஆன

லோத்தின் மனைவி

சோதாம் கோமரா அழிவிலிருந்து தப்பிகொள்ளும்படிஅறிவுரை கூறிய கர்த்தர் இவ்வாறு கட்டளையிடுகிறார்

ஆதி 19 :17. அவர்களை வெளியே கொண்டுபோய் விட்டபின்பு, அவர்: உன் ஜீவன் தப்ப ஓடிப்போ, பின்னிட்டுப் பாராதே; இந்தச் சமபூமியில் எங்கும் நில்லாதே; நீ அழியாதபடிக்கு மலைக்கு ஓடிப்போ என்றார்.

தேவனின் கட்டளைக்கு கீழ்படிந்து பாதி ஓடிய லோத்தின் மனைவி மீதியை கைகொள்ள முடியாமல் திரும்பி பார்க்கிறார்

26. அவன் மனைவியோ பின்னிட்டுப் பார்த்து, உப்புத்தூண் ஆனாள்.

இன்னும் சில சம்பவங்களை சுர்க்கமாக சொல்ல விளைகிறேன்:

4. கர்த்தர் கட்டளையிடாத அந்நிய அக்கினியை கர்த்தரின் சமூகத்துக்கு கொண்டுவது மடிந்துபோன நாதப் அபியு!

லேவியராகமம் 10:1 ஆரோனின் குமாரராகிய நாதாபும் அபியூவும் தன்தன் தூபகலசத்தை எடுத்து, அவைகளில் அக்கினியையும் அதின்மேல் தூபவர்க்கத்தையும் போட்டு, கர்த்தர் தங்களுக்குக் கட்டளையிடாத அந்நிய அக்கினியை அவருடைய சந்நிதியில் கொண்டுவந்தார்கள்

2. அப்பொழுது அக்கினி கர்த்தருடைய சந்நிதியிலிருந்து புறப்பட்டு, அவர்களைப் பட்சித்தது; அவர்கள் கர்த்தருடைய சந்நிதியில் செத்தார்கள்.

5. ஆசாரியர்கள் சுமக்க வேண்டிய கர்த்தருடைய பெட்டியை மாட்டுவண்டியில் கொண்டுவந்து மடிந்துபோன ஊசா!

II சாமுவேல் 6:3. தேவனுடைய பெட்டியை ஒரு புது இரதத்தின்மேல் ஏற்றி, அதைக் கிபியாவிலிருக்கிற அபினதாபின் வீட்டிலிருந்துகொண்டுவந்தார்கள்; அபினதாபின் குமாரராகிய ஊசாவும் அகியோவும் அந்தப் புது இரதத்தை நடத்தினார்கள்

6. அவர்கள் நாகோனின் களம் இருக்கிற இடத்துக்கு வந்தபோது, மாடுகள் மிரண்டு பெட்டியை அசைத்தபடியினால், ஊசா தேவனுடைய பெட்டியினிடமாய்த் தன் கையை நீட்டி, அதைப் பிடித்தான்.

7 அப்பொழுது கர்த்தருக்கு ஊசாவின்மேல் கோபமூண்டது; அவனுடைய துணிவினிமித்தம் தேவன் அங்கே அவனை அடித்தார்; அவன் அங்கே தேவனுடைய பெட்டியண்டையில் செத்தான்.

இப்படி கர்த்தர் தான் சொன்ன வார்த்தைகள் சரியாக கைகொள்ளப்படுகிறதா என்பதுகுறித்து கவனமாக இருக்கிறார். கர்த்தரால் சொல்லப்பட்ட வார்த்தைகளை சிறிது மாற்றியதால் மடிந்து போனவர்களின் சோக கதைகள் பலவற்றை நாம் வேதாகமத்தில் பார்க்கமுடியும். இவ்வாறு தேவனின் வார்த்தைகளை சிறிது வளைத்து மனுஷர்களை தண்டனைக்குள் நடத்துவது என்பது சாத்தானுக்கு கைவந்த கலை ஆகும். ஆதாம் ஏவாளில் இருந்து இன்றுவரை அவன் அதைதான் செய்துகொண்டு இருக்கிறான்.

இவர்களின் கதைகள் எல்லாம் நமக்கு எதற்கு திருஷ்டாந்திரமாக உள்ளது? என்று ஆராய்வோமாகில், தேவனின் வார்த்தைகளை சந்தர்ப்ப சூழ்நிலைக்கு ஏற்ப புரட்டி பொருள்கொள்ளகூடாது என்பதற்காகவே!

அனால் இன்றோ கிறித்துவத்தை ஆட்கொண்டுள்ள ஆவிகளால் தேவனால் சொலப்பட்ட எல்லா வார்த்தைகளுமே முடிந்த அளவு புரட்டப்படுகின்றன. முக்கியமான கட்டளைகள் புறம்பே தள்ளப்படுகின்றன. அவரவர் விருப்பத்துக்கு ஏற்ப அவரவர் கொள்கைக்கு ஏற்ப வார்த்தைகள் வளைக்கப்படுகின்றன. "வசன ஆதாரம்" "வசன ஆதாரம்" என்று கேட்கும் அவர்களுக்கு சொல்லபட்ட வார்த்தைகளை அப்படியே விசுவாசிக்கும் அளவுக்கு திறந்த இருதயம் இல்லை.

பழயஏற்பாட்டு காலத்தைபோல இப்பொழுது உடனடி நியாயதீர்ப்பும் மரணமும் இல்லை என்றாலும், மீறுதல் ஒரு பாவமே! இறுதி நியாயதீர்ப்பின்போது வசனத்துக்கு விரோதமான நம்முடைய எல்லா மீருதல்களுக்கும் நிச்சயம் கணக்கு கேட்கப்படும்!

யோபு 10:14 நான் பாவஞ்செய்தால், அதை நீர் என்னிடத்தில் விசாரித்து, என் அக்கிரமத்தை என்மேல் சுமத்தாமல் விடீர்.
பிரசங்கி 11:9 இவையெல்லாவற்றினிமித்தமும் தேவன் உன்னை நியாயத்திலே கொண்டுவந்து நிறுத்துவார் என்று அறி.

இந்த காரியங்கள் எல்லாம் இந்த நாட்களில் நமக்கு தேவையில்லாத அற்ப காரியம்போல தோன்றாலாம். இருதயம் அடைக்கபட்ட நமக்கு அனேக முக்கிய காரியங்கள் அப்படித்தான் தேவையில்லாததுபோல தெரிகின்றன. ஆனால் இந்த முழுமயான கீழ்படிதலால் வரும் மேன்மை என்னவென்பதை இன்னும் ஆழமாக ஆராய்ந்தால்தான் அறிய முடியும்! நான் ஏன் "கீழ்படிதல்" "கீழ்படிதல்" என்று அதிகமதிகமாக எழுதிக்கொண்டு இருக்கிறேன் என்பதை பற்றிய விளக்கத்தை கர்த்தருக்கு சித்தமானால் அடுத்த பதிவில் பார்க்கலாம்

Debora · வெற்றியாளர்

சிறந்த பதிவு.. அபரிவிதமான விளக்கங்கள்.. தொடர்ந்து எழுதுங்கள் அண்ணா