இறைவன்

Nesan · MODERATOR

இயேசுவை பலியாக ஏற்ப்படுத்தியவர் தேவனே!

SUNDAR · மூத்த உறுப்பினர்

இறைநேசம் wrote:

இவ்வாறு இயேசுவை பலியாக அனுப்பியதும் அவரை பலியாக ஏற்ப்படுத்தியதும் தேவனே.

யோவான் 4:10 அவர் நம்மிடத்தில் அன்புகூர்ந்து, நம்முடைய பாவங்களை நிவிர்த்திசெய்கிற கிருபாதாரபலியாகத் தம்முடைய குமாரனை அனுப்பினதினாலே அன்பு உண்டாயிருக்கிறது.

தேவன்தான் ஆண்டவராகிய இயேசுவை பாவங்களுக்கு பரிகார பலியாக அனுப்பினார் என்பது உண்மையே! என்றாலும் பலியாக வந்த அந்த 'தேவாட்டு குட்டியாகிய' இயேசு யார்? எனற உண்மையை அறிவது அவசியம்.

தேவன் இயேசுவை மனுஷனை படைத்ததுபோல் மண்ணினாலோ அல்லது வேறு எந்த கருப்பொருளின் மூலமோ படைத்து அனுப்ப வில்லை தன்னுடைய "வார்த்தையையே மாம்சமாக்கினார்" என்று வேதம் சொல்கிறது

யோவான் 1:14 அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம்பண்ணினார்

எனவே இயேசு தேவனுக்குள்ளாக அனாதியாய் தேவனாகவே என்றும் இருந்தவர் என்பதை அறியவேண்டும்.

இவ்வாறு மாம்சமாகி அனுப்பபட்ட இயேசுவினுள் ஆவியாயிருக்கும் தேவன்தாமே வந்து தங்கியிருந்தார். இருவரும் ஒருவராய் இருந்தனர்.

யோவான் 10:30 நானும் பிதாவும் ஒன்றாயிருக்கிறோம் என்றார்.

சுருங்க சொல்லின் தேவனே மாம்சமாக பூமிக்கு இரங்கி வந்து மனுஷனால் செய்ய கூடாதிருந்த நியாயப்பிரமாணத்தை நிறைவேற்றினார்

ரோமர் 8:3 மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்.

ஆம்! தேவனை தவிர வேறு எந்த மனுஷனோ அல்லது தூதனோ கூட இந்த பாவ உலகத்துக்குள் மாம்சத்தில்வந்து இயேசு கீழ்ப்டிந்ததுபோல் கீழ்படிவது பரிசுத்தராக வாழ்வது என்பது நடக்கிற காரியம் அல்ல என்றே நான் கருதுகிறேன். எனவே இங்கு பலியாக வந்த இயேசு என்னும் தேவனின் குமாரன் 'தேவனின் இன்னொரு ஆள்த்துவமே" என்பதை நாம் அறிய முடியும்! எனவே "தேவனே இயேசுவை பலியாக அனுப்பினார்" என்று வசனம் சொன்னாலும், 'தேவன் வேறு, அவரால்

அனுப்பபட்ட பலியாகிய இயேசு வேறு' என்று பொருள்கொள்வது சரியான ஒரு

நிலை அல்ல என்றே நான் கருதுகிறேன்.